ЕҚЫҰ Қазақстанда жергілікті өзін-өзі басқару реформаларын қолдауда

ЕҚЫҰ қолдауымен жергілікті өзін-өзі басқару реформалары саласындағы келесі қадамдар бойынша семинар 2016 жылғы 5 қазанда Батыс Қазақстан облысының Орал қаласында өтті.

Іс-шараны Астанадағы ЕҚЫҰ Бағдарламалар офисі Ұлттық экономика министрлігімен және Әділет министрлігімен әріптестікте  шамамен 70 орталық және облыстық әкімшіліктің лауазымды адамдары, сондай-ақ Ақтөбе, Атырау,  Маңғыстау және Батыс  Қазақстан облыстарының шағын қалалары мен ауылдық округтарының әкімдері үшін ұйымдастырды.

Биліктің орталық органдарының өкілдері жергілікті деңгейде дербес бюджет пен коммуналдық меншікті енгізу сияқты жергілікті өзін-өзі басқару саласындағы заңнамалық түзетулер жобасын талқылады. Өз кезегінде, жергілікті билік өкілдері жергілікті өзін-өзі басқару реформаларын іске асыру мәселелерін, сондай-ақ осы саладағы құқықтық және институционалды базаны одан әрі дамыту жолдары туралы пікір алысты.

Аталған тақырып бойынша келесі семинар 2016 жылдың қараша айында Шығыс Қазақстан облысында өтеді.

Іс-шара Қазақстанда тиісті басқаруды жылжытуға және демократиялық дамуға бағытталған Офистің ұзақ мерзімді жұмысының бөлігі болып табылады.